Lagertagebuch Sola 24

Hüt fangt endlich ds Summerlager fürd LeiterInna und ds Kuchiteam ah! 😄 Miar sind fliessig am ufbaua⛺️☀️🌳

Am zweita Tag vum Vortrupp hemer dr Kinderunterstand und an grossa Teil vur Kuchi ufbaut. ☺️☀️🏕️

Am letschta Vortrupp Tag hemer Kuchi no fertig baut, so dass miar mora, wenn d Kinder kömmend, parat sind mit ihna ins Lager z starta. 😊🌦️🔨

Hüt simer mit em Zug agreist, hend zmittag gessa und sind nochher no uf da Platz gwanderet.🥾Am Nomitag hemer zema Zelt ufbaut und witeri Bauta ufgstellt. ⛺️Am Obig simer ins Lagerthema Vampir igweit worda und hend no zema Liader gsunga. 🧛‍♂️🩸⛅️

Am Morga und Nomitag hemer Sport gmacht und ganz viel Spass kah. 🏈 Am Obig hemers gmüatlicher kah und öpis über Ernährig glernt. 😊🌦️

Am dritta Lagertag simer alli zema in da Walter Zoo ganga.🐢🦘🐅 Miar hend as Spiel im Zoo gmacht und spöter simer no frei umaglofa. Am Obig hemer uf em Lagerplatz no „macht er/sie es oder nicht“ gspielt.😊🌧️

Hüt hemer dia zweitägig Überlebigsnacht gstartet. Miar hend noch Essa bettlet und schlofend unter freiem Himmel.😴🌤️

Hüt am Morga simer vur Überlebigsnacht zruck zum Lagerplatz glofa. D Kuchi isch jeda Tag fliessig am kocha für üs.🥘 Am Nomitag hemer Beautyoasa kah und am Obig Talentshow.💃🎤☀️

Am füfta Lagertag hemer an zweiti Teil über Ernährig kah. Am Nomitag und Obig hemer no Sport gmacht und ds Fuassballspiel gluagt, leider hets dia ganzi Zit gregnet.⚽️🙁🌧️

Am sibta Tag hets am Morga Brunch geh und erst am Nomitag Programm. Miar hend Frisbee und Blachavolleyball gsielt und am Obig hemer no Atelier kah.🏐🥏🌦️

Hüt hemer ds zweitägiga Gländspiel gstartet mit em Thema Harry Potter. Miar hend müassa an Zauberspruch finda zum dr Voldemort besiega.🪄😊☀️

Am Morga hemer no dr Endfight vum Gländspiel gmacht und Gruppa Slytherin het gwunna.🐍 Noch em Zmittag simer an da Fluss ganga und hend üs abküahlt. Am Obig hend üsi Neuleiter no an Sportblock duragfüahrt.💦⚽️☀️

Am zehnta Tag hemer an zweita Sportblock vu da Neuleiter kah und am Obig isch denn d Leitertaufi vur Naira, Silvana, Junia, Mael und Filipp gsi.😄☀️

Hüt am Morga hemer üsa Zmittag selber kocht und gessa. Am Nomittag hemer üsi Zelt abbaut und denn in dr Nacht bir Notunterkunft gschlofa. Am obig hets no ds Lagergricht geh.⛺️😊🌤️

Dr letsti Lagertag! Am Morga hemer as Leiter gega Kinder gmacht und nochem Zmittag hemer psi Reis zruck uf Chur gstartet. 🚉 ⛅️
Ds Lager isch sehr schön gsi mit viel Sunna und viel Lacha! 😊☀️🏕️